கனவு மெய்ப்படும்

பகவத் கீதையை, மிக எளிமையாக, பூர்வாங்கத் தகுதிகள் ஏதும் அற்றவரும் புரிந்து கொள்ளும் வகையில் எழுதுவதே இந்நூலின் நோக்கம். சமயத்தன்மை கடந்து, வாழ்க்கைக்குக் கீதை எப்படிப் பயன்படுகிறது என்கிற விளக்கம் இப்புத்தகத்தின் தனித் தன்மை. ஆதிசங்கரரும், ராமானுஜரும், மத்துவரும் உரை எழுதிய நூலுக்கு இப்படி ஒரு விளக்கம் எழுதுவது அதிகப் பிரசங்கித்தனம் என்கிற உணர்வு என்னுள் வந்தது. ஆனால் அவர்கள் உரையின் நோக்கம் வேறு. அத்வைதம், த்வைதம், விசிஷ்டாத்வைதம் என்கிற தத்வ பிடிவாதம், அதற்கு மூலநூலை வளைக்கும் ப்ரயோகங்கள் அவர்கள் உரைகளின் மீது குற்றம் சொல்வோருக்கு வசதியாகப் போய் விட்டது. எனக்கு அப்படி எந்த உள்நோக்கமும் இல்லாதது நிம்மதி தருகிறது.

களமாக பிரச்சனை, போராட்டம், குழப்பம், இவை நிறைந்த வாழ்க்கையில் உலகமே போர்க் ஆகி விட்டது . மனிதன் மீது விரும்பினாலும் விரும்பாவிட்டாலும் யுத்தம் திணிக்கப்பட்டு விட்டது. எனவே போருக்குத் தயாராகிற அர்ஜூன அவசியம் ஒவ்வொரு வருக்கும் இருக்கிறது. இதை இந்நூல் புரிய வைக்கும் என்று நம்புகிறேன்.

கர்ம யோகமே பிரபஞ்சத்திற்குக் கீதையின் முக்கிய செய்தி. அதனால் கர்ம யோகம் பற்றியே இந்தச் சின்ன புத்தகம் பேசுகிறது. முன்பின் கீதை அறிமுகம் இல்லாதவரும். சமஸ்கிருத ஞானம் இம்மியும் இல்லாதவரும் கீதையைப் புரிந்து கொள்ளும்படியே இதை எழுதி இருக்கிறேன்.

அன்புடன் சுகி சிவம்