ரஷ்ய உளவுத்துறை

Description

கேஜிபி – சோவியத் யூனியனின் தனிப்பட்ட உளவு அமைப்பு மட்டு மல்ல இது. உலக உருண்டையிலுள்ள அத்தனை தேசங்களிலும் ஊடுருவி, அத்தளை தேசங்களின் ரகசியங்களையும் பிரதி எடுத்து மிக கவனமாகப் பாதுகாத்து, காய்கள் நகர்த்திய மாபெரும் உளவு சாம் ராஜ்ஜியம்.

கேஜிபியின் உளவாளிகள் எங்கும் இருந்தனர், எதிலும் இருந்தனர். அணுகுண்டு தயார் செய்தாலும் சரி, அவரைக்காய் பயிர் செய்தாலும் சரி: இவர்களது பார்வைக்குத் தப்பாமல் எந்தவொரு நாடும் எதுவொன்றையும் செய்துவிட முடியாது.

1945-ல் அமெரிக்காவும் இங்கிலாந்தும் பரம ரகசியமாக அணுகுண்டு. பரிசோதனை முயற்சிகளில் ஈடுபட்டிருந்தபோது, ஆங்காங்கே ஊடுருவியிருந்த கேஜிபி ஏஜெண்ட்கள் அத்தனை ரகசியங்களையும் கர்ம சிரத்தையாகப் பிரதி எடுத்து கேஜிபிக்கு அனுப்பிக்கொண்டு இருந்தார்கள். இதைப் பயன்படுத்தி அமெரிக்காவுக்குப் பின்னாலேயே சோவியத் யூனியனும் அணுகுண்டு வெடித்துவிட்டது. கேஜிபியைப் பார்த்து ஒட்டுமொத்த உலகமும் அதிர்ந்தது அப்போதுதான்.

FBI, CIA. மொசாட் உள்பட உலக உளவு அமைப்புகள் ஒன்றுவிடாமல் அச்சத்துடன் உச்சரித்த பெயர் கேஜிபி. காரணம், இந்த எல்லா அமைப்புகளிலுமே கேஜிபி உளவாளிகள் அடியாழம் வரை ஊடுருவி இருந்தனர்.