நபிகளாரின் சமூக உறவு

தமிழில் ஒரு முன்னோடியாக அமையும் இந்த நூலில் ஜவாஹிருல்லா, உலகில் கோடிக்கணக்கான மக்கள் பின்பற்றும் முகம்மது நபிகளாரின் சமூக உறவை அறிமுகம் செய்கிறார்.

முஸ்லிமல்லாதோருடன் நபிகளார் கொண்டிருந்த சமூக உறவு கிறிஸ்தவ அறிஞரான வராக்கா பின் நவ்பலிடமிருந்து தொடங்குகிறது. நபிகளாருக்கு மக்காவில் பாதுகாப்பாளராக இருந்த அபூதாலிப், அபிசீனியாவில் தஞ்சம் புகுந்த முஸ்லிம்களை அரவணைத்த கிறிஸ்தவ மன்னர் நஜ்ஜாஷி, தாயிப் நகரில் கல்லடியும் சொல்லடியும் பட்ட நிலையில் மக்கா திரும்ப உதவிய முத்தீம் ஹிஜ்ரத் பயணத்தில் வழிகாட்டியாக வந்த அப்துல்லாஹ் பின் உரைக்கத் ஆகியோரின் பங்களிப்பு வழியாக நபிகளார் காட்டும் சமூக உறவுக்கான முற்றிலும் புதுமையான பாதையை எடுத்துரைக்கின்றது.